Kur prej marres t'skuqet bjeshka 

e ftyren ta mbulojë me degë të blinit,

ka me pa gjith' Malsia 

se çka asht dashnia.

Mos m'shtin me përbe moj zanë

në yll e në hanë 

e n'besë t'malsorit 

kam me t'dashtë ma shume se berrat 

që pranvers e dashunojnë stanin. 

Kur t'mërzitesh e don me mpa

zanin lshoma moj bareshë

une mas teje kam me nga,

me zemer n'dorë e t'çueme peshë.

M'nigjo ti o sokol mali,

se kur t'më lajnë mendja e sytë e ballit 

me tradhtu besen tande

mas kjosha ma, çikë e ksaj ane. 

Vet jam djalë, çikë e Malsisë 

s'du me mba hise t'mahisë,

Pasha xhubletën qe kam qëndisë

kam me ti falë vitet e çiknisë. 

Flutur Mustafa Pllana