Dashninë e mbrujnë nanat 

me duert plot mall;

për kohën që kalon 

e prekë ballin s'na e kanë.  

Nanat kanë përbërës të veçantë

zanin e amel sherbet e shikimin të mbushun pritje, 

se ti ke mu kthy,

prej duerve të saj buken me shiju.

Buken e mbrujnë me mallin me t'pasë n'krahë

e me nji pikë loti n'ven të krypës n'lugë t'drunit

gjellës me i dhanë shije dashnije.

Nana t'kallzon receta të tana

që ti mallin me e hjek

kur larg sofrës së saj bukën e ndanë.

E prap asnji gja nuk të del si e saja 

se ti nuk e ke erëzën kryesore, 

aromën nanë.

©️Flutur Mustafa Pllana

www.ndjenjenkornize.com

@ndjenjenkornize

@flumus

#FluMus