si shkruhet ne gjuhen tande, eja ?

me fjalë që i merr era

apo me gjethe qe i thanë vjeshta ?

si shkruhet në gjuhën tënde, rri ? 

me vetëtimën që më dërgon tek ti

apo me retë që sjellin shi ?

çka quhet në botën tënde ëndërr ?

ajo çka me të vërtetë ëndërron të ndodhë

apo ajo që e prekim në zhgjëndërr ?

shumë gjuhë të huaja mund të mos di

e do fjalë të shpirtit nuk i kam mësu

por shumë mirë e di çka rimon me shi

di dhe që njerëzit si ti, skanë tru. 

thua, do të vi ?

të them, do bjerë shi...

çadër do marr me vete ta kem...

mos harro nën çadër, pak mend.

mblidhi një e nga një,

për vete mbaji mendtë, mos i shit.

asnjë kohë nuk ka të dëgjojë,

orvatjet e tua, vit për vit. 

këto vargje i shëndrruam në ikje

në ikje të lagështa plot me shi

dhe në lexime bëhesh i mërzitshem 

në shkrime shëndrrohesh në zi.

Flu Mus 

2018