Në epshin tënd

Egoizmi im ushqehet

Pasioni m’thehet

Nga shikimi yt

Fytyra më zbehet

Zemra nxiton

T’i kap rrahjet e saj

Shpirti më vlon

Kur dorën ta mbaj

Përqafimi

Ball për ball

Faqja ime prek tënden

E digjet me mall

Si pasqyrë para teje

Më në fund

Djajtë tanë marrin frymë

Nuk frigohen nga njëri-tjetri

Akullin me prekje e thymë

Flutura në stomak

Kur puthja ime

Nxerr buzëqeshjen tënde në pah

E mua më vjen ta përsëris atë tërë jetën

Oh zemra pa ndal më rrah

Qeshim si dy fëmijë

E na guduliset shpirti

Pikëllimet kur jemi bashkë s’kanë vend

Me ty përgjithmonë unë jam i ri

Ne lotëve u japim kuptim plotësisht tjetër

Ato më nuk i takojnë pikëllimit

Janë lotë të shpirtrave t’gëzuar

Nga dashuria jonë e vjetër

Kapma këmishën e më ngreh

Më ço tek tempulli yt

Dërgomë tek shpirti yt i fshehur

Tek bota jote të gjej strehë

Sa shumë i dua faqet e tua

Kur zgjerohen kur ti qesh

E sytë shkaku im t’u lumturuan

Gardën time mua ma zhvezh

Fryma m’ndalet

E fryma jote më mbush frymë

E unë frymën time ta fal ty

Njëri-tjetrin ne mbajmë gjallë!

Sovran Hoti.