E prishtë është stina. 

Mbrenda 86400 sekondave

Ndërrohen ma tepër se 4 të tilla.

Ska faj Prishtina që është e prishtë,

Veç e dashuron diellin 

Përkundrazi, është e brishtë ... 

Dielli nuk e llaston Prishtinën

Por e lë ne ankth të presë.

Fronin Hyjnesha e abdikoi

Dikujt tjetër do ja lëshojë

Vetëm të ngrohet në rreze kërkon

Po, për të Ai është ma shumë se një Yll.

Më tha Prishtina

Herën tjetër me Diellin kur të jem

Nga bota do e fsheh

E vetëm për mua të rrezatojë...

Ke luajtur nga mëndja,

Ka plot yje të tjerë

Vallë ç'të fiksoi me këtë të lumin diell ?

I yti është gjatë gjithë verës

Ç'të duhet vallë në çdo stinë ?

Ma injoroi si zakonisht mendimin.

Kokëfortë je Prishtinë !

Ku merr vesh ti nga dashuria . . . 

Unë kam bërë master në këtë shkencë,

Hiqju Diellit, dhe na i mbush kupat me verë.

Një violinë dhe asgjë më s'na nevoitet ...

Festuam vetminë,

Dolli ngritëm për të Vivaldit stinë !

E unë ?

Për trup ia thyeja gotat një pas një tavolinës.

Ç'të të them tjetër ?!

Më mungon si dielli Prishtinës.

*Ndjenje n'Kornize*

#FluMus

Photography: Albion Krasniqi