Hajde n’shpi,

edhe atëherë kur të duket

a thu se floçkat e territ

të janë lshu mbi shpinë!

Hajde n’shpi,

edhe atëherë kur mendimet të trazojnë

e të çojnë ujnave të huej.

Hajde n’shpi,

sidomos atëherë kur je lodhë

e ke zgjedhë me u largu.

Hajde n’shpi,

mas çdo gabimi

prej të cilit mendon se nuk ka kthim.

Hajde n’shpi,

se ska derë që rrin e mbyllun

për aq kohë sa ka dashni e ujë të valë,

plagët me t'i shpla.

Hajde n’shpi,

edhe mas ma t'madhit tundim!

Hajde,

aty ku vetja të gjen,

përtej secilit idhnim,

n’shpi!

Flutur Mustafa Pllana 

Flu Mus